طريقة تعليم الحروف الابجديه للاطفال
حرف التاء ( ت )
اولا :مراجعه حرف الباء بالعصف الذهني للحرف
بطريقتين سهلين جداااااا
1)رسم حرف الباء في الهواء عن طريق التخيل وتقولي شرطه حلوة نايمه ع السطر وليها سنه صغنونه في اولها وليها سنه صغنونه في اخرها وتحتها نقطه (بنغمه في الصوت)
2)تطلبي من طفلك يقول علي اسم حد من صحابه او اقاربه يبدأ بحرف الباء وبعدها طب يلا ندور علي اسم حيوان يبدأ بحرف الباء وبعدها ياتري في فاكهه بتبدأبحرف الباء وهكذا يتم العصف الذهني المبسط لاي معلمه او ام .
*ديما في شغلي مع اطفالي في كراسه كل طفل في اخر ورقه بكون كاتبه كل الحروف وقبل مابدأ حتي بمراجعه الحرف القديم لازم نقرأ الحروف كلها شفوي وبعدها براجع ع الحروف القديمه بالعصف الذهني.
طريقه عرض حرف التاء ( ت ) للطفل:-
اولا: اسم الحرف وشكله وصوته
وزي ماتفقنا (لو عايزين نأسس صح يبفي لازم نأكد علي صوت الحرف لان دة اللي هيساعده علي القراءه فيما بعد ).
شكله : ارسم شرطه حلوة نايمه ع السطر .وليها سنه صغنونه في اولها وليها سنه صغنونه في اخرها وجواها نقطتين (بنغمه)
حرف التاء وكرري اسمه وصوته عند رسم الحرف واطلبي من طفلك انه يكرر معاكي اسم الحرف وصوته وشكله وابدأي بالتنقيط دون مسك ايد الطفل
كلمات حرف التاء
ثانيا: القصه ( قصص عربية للاطفال ) ووضع اساله عليها لتمنيه العمليات العقليه للطفل .
في يوم من الايام كان فيه تمساح يسبح في البحيرة وكان كبير جدااا ولديه اسنان قويه وجد امامه تفاحه حمراء واكلها وعندما تناولها احس بالشبع
- ما اسم الحيوان الذي بالقصه ؟
- ماذا كان يفعل التمساح؟
- ماذا وجد امامه ؟
- ما شعور التمساح عندما تناول التفاحه ؟
- صف لي أسنان التمساح ؟
- باي حرف تبدأ كلمه تمساح ؟
- باي حرف تبدا كلمه تفاح؟
ثالثا : وضع محسوسات للطفل
(يعني مثلا لو احنا في موسم البرتقال هنمسك الطفل برتقاله في ايده يتحسسها وينطقها او بطيخ او فيديو لحياه البطريق وصورة ليه ويلونه الطفل وطريقه رسمه سهله جدااا من علي اليوتيوب ) ووقتها بتتكلمي علي البطريق وتزودي معلوماته , واوعي تتخيلي انه مش هيفهمك بالعكس انتي بتحولي توسعي مداركه , وحتي لو مش مستجيب فطفل بطبيعته بيخزن , لان دي فترة اكتساب المعلومه وليس استخدمها متقلقيش هيجلها وقت ويستخدمها , وهتبقي منبهرة بتفكيرة بس المهم طريقه عرضك للمعلومه واهم حاجه انها تكون شيقه .
المعلومات اللي اقدر اقولها لطفلي عن ت-تمساح
صفاته : ان التمساح من الزواحف (واستعين بفديو مبسط من اليوتيوب)
ويغطي جسمه حراشيف
ولونه : ابيض وظهرة اسود.
وبيته : يعيش التمساح في الماء وعلي الشواطئ , منه مايعيش في المياه المالحه ومنهم ما يعيش في المياه الحلوة ويكثر في افريقيا وفي اوستراليا.
وطعامه : يتغذي التمساح بالأسماك والضفادع و الحيوانات الاخري التي تعيش في الماء.
عائلته: أنثى التمساح تبيض من بعين الي خمس وتسعين بيضه في كل مرة. تدفنها في حفر علي الشاطئ وتدفئها حرارة الشمس حتي تفقس وتخرج صغار التماسح من البيض وتتوجه مباشرة نحو الماء لتحصل علي غذائها.
نحن والتمساح: يخاف الانسان من التمساح خاصه من تمساح نهر النيل في مصر الذي يلاحق الانسان وللاسف فان البعض يحب ان يصطاد التمساح للحصول علي جلده
تعليقات
إرسال تعليق