القائمة الرئيسية

الصفحات



مرحله مابعد الحروف

  • بعد ما خلصنا الحروف وعرفنا اسم كل حرف وعرفنا رسمه الحرف صح علي السطر
  • ننتقل بقي لمرحله مابعد الحروف .
  • وهي المرحله اللي بنثبت فيها مخارج الحروف (تعتبر المرحله دي مهمه جدا لانها بتساعد الطفل علي الاملاء بطريقه صحيحه فيما بعد) .
  • كتير من الامهات بتشتكي من ان طفلها مش بيعرف يتملي .
  • وهنا شرح المرحله بكل تفاصيلها .

الحروف اللثوية :-

  1. وهي حرف الثاء (ث ) والذال ( ذ ) والظاء ( ظ) .
  2. دي الحروف اللي بطلع فيها طرف لساني بين اسناني وانا بنطقهم عشان كدا اسمها الحروف اللثويه .
  3. اغنيتهم (طرف لساني تحت سناني) .
  4. عشان يقدر يفرق بين حرف س ، ث /  ظ ، ز .

الحروف المفخمة :-

  1. وهي : 7 حروف .
  2. حرف الخاء(خ) والصاد ( ص) والضاد ( ض) والطاء (ط) والظاء ( ظ ) والغين (غ)   والقاف (ق) .
  3. دي الحروف اللي بطخن فيها صوتي و بتملا البق هوا .
  4. عشان يقدر يفرق بين حرف ق ، ك (قلب / كلب) .
 

الحروف المرققة :-

  1. وهي :
    1. أ . ب . ت . ث . ج . ح . د . ذ . ر . ز . س . ش . ع . ف . ك . ل . م . ن . هـ . و . ي .
  2. وهي حروف هاديه ورقيقه .

اشكال (فساتين)الهاء :

  1. ( هـ ) ← اللي علي شكل هرم  * وبكتبها في أول الكلمه وممكن وسط الكلمة .
  2. ( ـهـ ) ← الفيونكة   * و بكتبها في وسط الكلمة بس .
  3. ( -٧- ) ← شكل سبعة ← رسم المصحف *بكتبها في وسط الكلمة فقط. ( السبعة بتنزل تحت السطر وتمسك في ايد اللي قبلها وتمد ايديها للي بعدها ) .
  4. ( ــه ) ← ام رقبه ← بكتبها في آخر الكلمة فقط .
  5. ( ه ) ← كحكه مدورة ← بكتبها في آخر الكلمة لما يكون قبلها حرف من حروف القطع .

أشكال الكاف 

  1. ( كـ ) ← كاف عادية * بكتبها في أول و وسط الكلمة.
  2. ( ک ) ← رسم المصحف * بكتبها في أول و وسط الكلمة.
  3. ( ك ) ← كاف زندية * بكتبها في آخر الكلمة بس.
- وعرفي الطفل ان اللي جوه الكاف دي مش (همزة )لا دي كاف صغيرة ك فلما نكتبها نعمل شكلها كاف صغيرة .


أشكال التاء :-

  1. ( ت ) ←تاء مفتوحة(صحيه او صحيحه) *بكتبها في آخر الكلمة.
  2. ( تـ )← تاء نايمه *بكتبها في اول الكلمه ووسط الكلمه
  3. ( ـة ) ←ام رقبة* بكتبها في آخر الكلمة فقط.
  4. ( ة ) ← كحكه مدورة *بكتبها في آخر الكلمة لما يكون قبلها حرف من حروف القطع.

كراسي الهمزة :-

  1. وهي الف واو ياء همزة ونبرة كمان .
  2. أ . ؤ . ئ . ئــ . ء .
  3. نخلي بالنا ان كراسي الهمزة لما نيجي نشرحها للطفل بنقوله انها مجرد كراسي يعني لو انت لاقيت حد قاعد علي الكرسي هتسلم عليه ولا علي الكرسي هيرد عليكي ويقولك هسلم علي اللي قاعد علي الكرسي تقوليلو تمام يبقي لما اجي انطق انطق الهمزة .
  4. وكمان لازم يعرف أن الهمزة علي نبرة ( ئـ ) هي هي الهمزة علي ياء ( ئ ) ، بس علي النبرة بكتبها نص الكلمة لكن علي الياء بكتبها في آخر الكلمة زي كلمه (رئيس ) والمضمومه زي (رؤوف) .

الحروف المتشابهة في النطق :

  1. معظم الأطفال اللي مش اتاسسو كويس بتتلخبط في كتابة الحروف دي .
  2. ( س ، ص ) ( د ، ض ) ( غ ، خ ) ( ق ، ك ) .
  3. ( ت ، ط ) ( ذ ، ث ) ( ذ ، ظ ) ( ذ ، ز ) ( ث ، س ) .

لكن طبعًا اللي إتعلم معايا أسم الحرف ونطقه السليم ، هيقدر بكل سهولة يفرق مابينهم لما يسمعهم وهيكتبهم صح في الكلمه
ونيجي بقي عند نقطه مهمه جدااااا وهي
مرحله الحروف النايمه (مرحله التشبيك وتكوين كلمه)او اشكال الحروف:
وهي بسيطه جداا وبدون لخبطه للطفل
هي ان كل الحروف بتنام وتمد ايدها عشان تمسك في الحرف اللي بعده

(أ×) بـ ، تـ ، ثـ ، جـ ، حـ ، خـ ، (د×) ، (ذ×) ، ( ر×) ، ( ز×) سـ ، شـ ، صـ ، ضـ ،طـ ، ظـ ، عـ ، غـ ، فـ ، قـ ، كـ ، لـ ، مـ ، نـ ، هـ ، ( و×) ، يـ .ماعدا حروف القطع

وهنسميهم الحروف النايمه ليه عشان كلها نايمه علي السطر والحرف بيمد ايده لاخوة اللي جنبه والحرف الاخير ديما بيجي صاحي عشان يحرس الكلمه ونبدا في كلمه جديده

يبقي كدا لو عايزين نكتب مثلا كلمه ثلج
ثـــ لــــ ج
يبقي حرف الثاء هيمد ايده لحرف اللام وحرف اللام هيمد ايده لحرف الجيم وحرف الجيم هيجي صاحي لان الحرف الاخير ديما بيجي صااااااحي
*يبقي كدا شكل الحرف في اول الكلمه هو نفسه في وسط الكلمه


حروف القطع او الحروف الشقية أو الحروف الرافسة :-

  1. وهي اتنين اصحاب (أ ،و) واربعه اخوات (د،ذ،ر،ز) .
  2. أ . د . ذ ر . ز . و .
  3. اسمها حروف القطع لانها بتقطع الكلمه علي السطر ومش بتمد ايديها لحد .
  4. اغنيتها(اللي يجي قبليا يجري ويمسك فيا واللي يجي بعديا اقطع ايده واديا انا ديما باجي صحي عمري ما مد ايديا) .
  5. اهم حاجه الاستمراريه في التعلم لاكتساب المهاره .
  6. هو مش هيكتب المهاره بين يوم وليله كل اللي عليكي انك تصبري عليه في التهج ي وانك توصلي المعلومه بسهوله ومتخليهوش يتشتت في اشكال الحروف لان فيه ناس بتشرحها باسلوب عقيم جدااااااا .
  7. وانك تخليه يقرا كل يوم خمس كلمات كل كلمه من ثلاث حروف بالفتح وساعديه في النطق لمده اسبوعين هتلاقيه مستواه اختلف تماما للافضل طبعا .
  8. والخمس كلمات يكونو مختلفين عن اليوم اللي قبله .
  9. وهتلاقي الكلمات في المقاله (ازي أدرب طفلي علي القراه) .










عرض التعليقات

تعليقات