طريقة تعليم الحروف الابجديه للاطفال
حرف الباء ( ب )
اولا :مراجعه حرف الالف بالعصف الذهني للحرف
بطريقتين سهلين جداااااا
1)رسم حرف الالف في الهواء عن طريق التخيل وتقولي عصايه واقفه وفقيها بشويه نص دايرة لازق فيها شرطه نايمه (بنغمه في الصوت)
2)تطلبي من طفلك يقول علي اسم حد من صحابه او اقاربه يبدأ بحرف الالف ( أ ) وبعدها طب يلا ندور علي اسم حيوان يبدأ بحرف الالف وبعدها ياتري في فاكهه بتبدأبحرف الاف وهكذا يتم العصف الذهني المبسط لاي معلمه او ام .
*ديما في شغلي مع اطفالي في كراسه كل طفل في اخر ورقه بكتبحروف وقبل مابدأ حتي بمراجعه الحرف القديم لازم نقرأ الحروف كلها شفوي وبعدها براجع ع الحروف القديمه بالعصف الذهني.
طريقه عرض حرف ب ( الباء ) للطفل:-
اولا: اسم الحرف وشكله وصوته
وزي ماتفقنا (لو عايزين نأسس صح يبفي لازم نأكد علي صوت الحرف لان دة اللي هيساعده علي القراءه فيما بعد ).
شكله : علي السطر ارسم شرطه حلوة نايمه ع السطر وليها سنه صغنونه في اولها وليها سنه صغنونه في اخرها وتحتها نقطه (بنغمه في الصوت)
حرف الباء وكرري اسمه وصوته عند رسم الحرف واطلبي من طفلك انه يكرر معاكي اسم الحرف وصوته وشكله وابدأي بالتنقيط دون مسك ايد الطفل
ثانيا: القصه ( قصص عربية للاطفال ) ووضع اساله عليها لتمنيه العمليات العقليه للطفل .
في يوم من الايام كان فيه بطه جميله جدااا لونها أصفر كل يوم اول ماتصحي من النوم تسرع الي البحيرة وتسبح فيها وكانت سعيده وفجأه وجدت أمامها برتقاله فقالت ماهذة؟وماذا نستطيع ان نفعل بها؟وعندما عادت الي منزلها سالت والدتها ما هذة يا امي قالت لها انها برتقاله هيا بنا لكي نصنع بيها عصير .
- ما اسم الحيوان الذي بالقصه ؟
- ماذا كانت تفعل البطع في البحيرة؟
- ماذا وجدت امامها ؟
- ما شعور البطه وهي تسبح ؟
- كيف صنعت البطه عصير البرتقال ؟
- باي حرف تبدأ كلمه بطه ؟
- باي حرف تبدا كلمه برتقاله ؟
ثالثا : وضع محسوسات للطفل
(يعني مثلا لو احنا في موسم البرتقال هنمسك الطفل برتقاله في ايده يتحسسها وينطقها او بطيخ او فيديو لحياه البطريق وصورة ليه ويلونه الطفل وطريقه رسمه سهله جدااا من علي اليوتيوب ) ووقتها بتتكلمي علي البرطريق وتزودي معلوماته , واوعي تتخيلي انه مش هيفهمك بالعكس انتي بتحولي توسعي مداركه , وحتي لو مش مستجيب فطفل بطبيعته بيخزن , لان دي فترة اكتساب المعلومه وليس استخدمها متقلقيش هيجلها وقت ويستخدمها , وهتبقي منبهرة بتفكيرة بس المهم طريقه عرضك للمعلومه واهم حاجه انها تكون شيقه .
المعلومات اللي اقدر اقولها لطفلي عن البطريق
صفاته : ان البطريق من الطيور ولكنه من الطيور التي لا تطير (مثل البطه والفرخه والديك) والبطريق يغطي جسمه ريش كثيف ليحميه من البرد وله جناحان ليساعدانه علي السباحه في الماء فهو سباح راااائع.
ولونه : ابيض وظهرة اسود.
وبيته : يعيش البطريق في المنطقه القطبيه الجنوبيه حيث البرد الشديد وكذلك في البحار حول استراليا.
وطعامه : يتغذي البطريق بالأسماك وهي طعامه المفضل .
الام : تبيض انثي البطريق بيضه واحدة وعندما تفقس يخرج الفرخ منها .يهتم به الاب اما الام فهي تذهب في رحله الي البحر لتجمع الاسماك في حويصلتها وتقدمها عندما تعود الي زوجها وفرخها الصغير.
*يحضن البطريق الاب البيضه علي قدمه ليدفئها مده ستين يوما ويبقي من دون طعام ويخسر حوالي نصف وزنه.
رابعا :عمل نشاط علي الحرف مع مشاركه الطفل يساعد علي تعليم الحروف العربيه كتابه
1- تلوين الحرف لتنميه الجانب البصري :
2- عمل تاج عليه حرف الباء .
3- المشي علي التراك ( المسار )
كانه طريق بتجيبي لطفلك عربيه صغنونه وتطبعي الحرف بيحث يستطيع الطفل تعلم الحروف . .
4- كتابه الحرف علي ورقه كبيرة
نقوم بكتابه الحرف على ورقه كبيرة ثم يقوم الطفل بوضع ورق ملون صغنن اوالقطن الملون الصغنن علي رسمه حرف ب
5نكتابه الحرف علي الملح او الرمل او الرز الملون :
6- الباحث الصغير :
7- تمرين سهل وبسيط اختار الحرف الصحيح .
8-لون الصورة التي تبدأ بحرف الباء .
9-كروت الصنفرة لتنميه الجانب الحسي لدي الطفل .
11-التنقيط باستخدام أعواد الأذن لتدريب العضلات الصغرى و التآرر البصري والعضلي وربطها بالحرف ومدلوله
تعليقات
إرسال تعليق